ILLUVIT TUNINIARNERANI SIUNNERSUUTIT PITSAASUT 27-IT NALEQARNERULERSITSISINNAAPPUT

Illup tuniniannginnerani angerlarsimaffiit ajornanngitsunnguamik mikisualuit iluarsiiffiginerisigut naleqarnerulernissaanut sunniuteqaqataaffigisinnaavat.

Taamaattumik LM Ejendomme siunnersuutinik 27-inik pitsaasunik illup tuniniakkavit takujuminartuunissaanut tuneriaannaanissaanullu najoqqutarineqarsinnaasunik quppersagaliornikuuvoq.

Ilaqutariit tamarmik ikioqatigiiffigisinnaavaat pisariunanilu akisunngitsunnguuvoq.

LM Ejendomme attavigiuk illulu akeqanngitsumik nalilersortillugu. Illu tuniniaassisartunik takuneqareerpat peqatigalutit qanoq illu ilinnut pitsaanerpaamik kinguneqarlunilu tunigasuarneqarsinnaanera isumaqatigiissutigineqassaaq.

Paasissutissat atorluarigit

 

::Illu tamaat   GODE SALGSFIF SOM ØGER VÆRDIEN PÅ DIN BOLIG DK

TUNINIAANERMI ATORNEQARSINNAASOQ 1: TOREERSAAGIT

Piserusuttut eqqarsaatigalugit angerlarsimaffippit toreersuunissaa, iseruminartuunissaa eqqiluitsuunissaalu pingaarutilerujussuuvoq. Pisisussanut illup qanoq periarfissaqarnera soqutiginarneralu nalilersoruminarnerussaaq.

TUNINIAANERMI ATORNEQARSINNAASOQ 2: IGALAAT QILLERSAKKIT

Igalaat qillersarnikut qaamanermik pilersitsisarput, angerlarsimaffillu annerusutut eqqiluitsutut paarilluakkatullu isikkoqalersittarpaa.

TUNINIAANERMI ATORNEQARSINNAASOQ 3: OQORSAATIT KAMIPPAALLU PIIKKIT

Isaarissami oqorsaatit kamippaallu piikkit. Illup iluanut iseqqaarluni takunninneq siulleq pingaaruteqartarmat, inittorsaagit illup qanoq periarfissagissaanera nittarterumallugu.

TUNINIAANERMI ATORNEQARSINNAASOQ 4: QULLIIT PEERII AJORTUT TAARSIKKIT

Qulliit qaamarngi nuannersuupput, pisisussanullu toqqissisimanartumik soorlu angerlarsimaannartut sunniisarlutik. Peerit ajortut taarsikkit qulliillu alakkaasoqassatillugu ikumatittuaannakkit.

TUNINIAANERMI ATORNEQARSINNAASOQ 5: MIKISUALUIT ILUARSISARIALLIT AAQQIKKIT

Pisisussap isersimanerani matup tigummivia igaffiulluunniit skaaviisa arlaat equngasoq kiinannguusaarnartarpoq. Skuffit skaaviillu qajannaqqutai igaffimmi uffarfimmiittullu tamaasa aaqqikkit, matullu tigummivii tamaasa ajorsinnaasut aaqqillugit.

TUNINIAANERMI ATORNEQARSINNAASOQ 6: QAAMANERMIK PILERSITSIGIT

Saagut, persiennerillu saaguikkit qaamanerlu illup iluanut pilersillugu. Illu qaamasoq iseruminarneruvoq, nuannernerulluni anginerusutullu misinnarnerusarluni.

TUNINIAANERMI ATORNEQARSINNAASOQ 7: TUPASUNNEQASSANNGILAQ

Illu pujortarfiusimasoq piserusuttunik najugaqarfigissallugu nakerineqarneq ajorpoq. Illu pujortarfiusimappat silaannarissarujussuarneqassaaq. Tupasunni peerniaraanni illu tamaat immiartorfilersorlugu sernartulersorneqarsinnaavoq (eddike).

TUNINIAANERMI ATORNEQARSINNAASOQ 8: KÆLDERI QALIALU TORERSAKKIT

Kælderip qaliallu torersarnissaa arlalippassuit puujortarpaat. Tuniniaaneq iluatsillugu atorneq ajortut eqqarlugillu torersaagit.

TUNINIAANERMI ATORNEQARSINNAASOQ 9: ILLUP TAKUTINNERANI ANGERLARSIMANAK

Illup takutinnerani angerlarsimanak. Illu qimaguk, pisisussat eqqissillutik illu pillugu isummersorsinnaanerat qanorlu periarfissaqarnera isummersorfiginiassavaat.

TUNINIAANERMI ATORNEQARSINNAASOQ 10: ILLUP ILUANI PERIARFISSAQ PITSAANERPAAQ

Illumik tuniniaasussaq, illup iluani suna periarfissaq pitsaanerpaajunersoq oqaluttuugut, taassuma pisisussanut apuutissavaa. Pisisussanut siumut ilisimasaqareernissaq nuannernerullunilu iluaqutaasarmat.

TUNINIAANERMI ATORNEQARSINNAASOQ 11: PISATTAT ASULI SAKALOQUTIT PIIKKIT

Pisattat sakaloqutit piikkit, pisisussat init pisatsersugaavallaat soqutigineq ajorpaat. Piiaaguit init annerusutut isikkoqarlutillu pisisussanut qanoq periarfissagissaartiginera qanorlu ittuunera nittartersinnaavat.

TUNINIAANERMI ATORNEQARSINNAASOQ 12: LEDNING-IT MAANIINNARMIITTUT PIIKKIT

Fjernsynip, nipilersuutit, igaffiup siniffiillu akornanniitut ledning-it imunikut isigiuminaatsumik tukaqutaaginnartarput. Innaallagissat aqqutaanut ilitsiviit siaarsinnaasut, innaallagissallu ataatsimut katersuuffigisatagaanik ikkussigit, ledning-it maaniinnaq ersikkunnaarlugit torersaagit.

TUNINIAANERMI ATORNEQARSINNAASOQ 13: ILLUP ILUANI NAASUT

Naasut toquliornikut peeriarlugit allanik naasuliigit, illup iluanut kusanartut takujuminarnerusarput. Nunami naasortaanik pisiassanilluunniit illu takujuminarsaruk.

::Igaffik   krydderurter

TUNINIAANERMI ATORNEQARSINNAASOQ 14: ERRUGASSAT PIIKKIT

Igaffimmi errugassat isigiuminaallutillu takujuminaannarput. Erruigit imlt. arlaannut errugassat peerlugit inissikkit. Opvaskmasinap imaarneqarnissaa, nillataartisiviup kissarsuutillu kusanartumik eqqiluitsuutinnissai tipeqannginnissaalu isumagikkit.

TUNINIAANERMI ATORNEQARSINNAASOQ 15: IGAFFIUP NERRIVIA TORERSIGUK IGAFFIULLU KISSARSUUTAA SALILLUGU

Igaffik takujuminartuussaaq, pisisussat igasarnissaminni nuannersumik misigisaqaqqullugit. Suna tamarmi eqqiluitsuullunilu torersuussaaq.

TUNINIAANERMI ATORNEQARSINNAASOQ 16: PUUJAASAAQQAT QILLERTUUSALLU PIIKKIT

Puiaasaaqqat qillertuusallu puukui tamarmik perneqassapput asuli maaniinnarmiittoqassanngilaq, igaffik takujuminartuullunilu torersumik nittarsaatissappat.

TUNINIAANERMI ATORNEQARSINNAASOQ 17: NERISASSIORNERMI AKUUTISSAT PINNERSAATAASINNAASUT PISIARIKKIT

Nerisassiornermi akuutissat pinnersaatigissallugit takujuminartuupput, illillu takutitserernerup kingorna iganinni atorsinnaavatit. Igaffik takujuminaraangat najussallugu nuannernerullunilu nakernarnerusarpoq.

::Uffarfik 

TUNINIAANERMI ATORNEQARSINNAASOQ 18: UFFARFIK EQQIARUK

Torersaagit annikitsuinnarnillu saqqumisitsillutit. Skaaviit ilui ilanngullugit torersakkit. Qaqorsaammik tipigissumik pisigit illulu qimalerukku errortoruit takutinneqaleruni tipigissaataasinnaavoq.

TUNINIAANERMI ATORNEQARSINNAASOQ 19: RUUJORIT ERNGARTUT ILUARSIKKIT

Imermut kuutitsiviit erngartut pisisussanit paarsilluarsimanngitsutut nalilerneqartarpoq. Imermut kuutitsiviit erngarsinnaasut tamaasa iluarsikkit, imermullu aqqutip filteria salillugu.

 SALGSFIF 20: FJERN SYNLIG SNAVS OG

TUNINIAANERMI ATORNEQARSINNAASOQ 20: IIKKAMI NATERMILUUNNIIT IPEQ QAQORSAATILLU SINNIKUI SALILLUGIT PIIKKIT

Uffarfik asattortarfiuvoq, torersuusariaqarlunilu eqqiluitsuusariaqarpoq. Ipeq qaqorsaatillu sinnerisinnaasai salikkit. Klorin-i Rodaloniluunniit atorneqarsinnaapput.

::Silami 

TUNINIAANERMI ATORNEQARSINNAASOQ 21: IKINNGUTITIT ILAQUTTATILLU QAAQQUKKIT

Qaaqqusigit ”aneerasaartarfimmi nuannannissamut” kikkut tamarmik ikioqatigiiffigisaannik silami eqqagassanik saliisitsillutit, grillerivillu salissiuk. Immiaaqqat nillaarissut pizzamillu sassaallernik iluaqutaallunilu nuannaarutaasarpoq.

TUNINIAANERMI ATORNEQARSINNAASOQ 22: MATUP SILARLIUP SAAVA APUTAAJARUK

Illu alakkartigassap saava apussuarmik ulikkaartoq takujuminaatsuusaarpoq, matup saava igalaallu nalai aputaajakkit, illup uluanut eqqussuutinnginniassapput. Quip nalaa ilanngullugu aputaajaruk. Sisoraataateqaruit apummut nappartillugit takujuminarsaatigikkit pinnersaataalluartarput.

TUNINIAANERMI ATORNEQARSINNAASOQ 23: IGALAAT TAARSIKKIT

Igalaat qisuttai aanikuunatik takujuminartuusariaqarput. Qalipakkit imaluunniit taarsikkit nutaanik illumut tulluarsarlugit.

TUNINIAANERMI ATORNEQARSINNAASOQ 24: ILLUP SILATAANI QISUIT QALIPAKKIT

Illup silataani matup, igalaat, aneerasaartarfiup majuartarfiillu qisuttai qalipakkit takujuminartunngortillugit. Qisuit aasimasut periarfissaqaruit taarsikkit.

::Piffissaq kingulleq 

TUNINIAANERMI ATORNEQARSINNAASOQ 25: QULLIIT IKIKKIT

Illup iluani qaamaneq nuannernerullunilu anginerusutut ilisittarpaa, qaamarnerlu naammatsiffigineqarsinnaanngilaq. Pisisussat isertinnagit illup qullii ikitikkit. Illu iserfissaq pisisussanut nuannernerullunilu angerlarsimaannartutut misigititsiarpoq.

TUNINIAANERMI ATORNEQARSINNAASOQ 26: ILLUP ILUA SILAANNARISSARUK

Illu iserfigisaq silaannaluttoq igaarsunnittorluunniit nuanninngisaannarpoq. Silaannarissarnissaq eqqaamajuk, pisisussallu isingajalernerini uffarnaveersaarit isugutammik pilersitsinnginnissaq pinaveersaarniarlugu. Illu naasunik nutaanik pinnersaruk, takujuminarsaataallutillu tipigissaataasarput.

TUNINIAANERMI ATORNEQARSINNAASOQ 27: BOLLERNIK TIPISISSAATAASINNAASUNIK NAQITTAAGIT

Angerlarsimaffik tipigialaartoq bollernik nutaanik naqittagarsunnitsoq nuannequtaallunilu tipigissaataasarpoq. Naqittaanissamut piffissaqaruit tipigialaamik pilersitsisinnaavutit